بەڕێوەبەرایەتی پۆلیسی هەولێر بڵاویكردەوە، بەرەبەیانی ئەمڕۆ چوارشەممە 2 كەسیان دەستگیر كردووە كە كەیبڵی شەقامی 120 مەترییان دزیوە.
بەڕێوەبەرایەتییەكە رایگەیاندووە، بەشی پۆلیسی فریاكەوتنی هەولێر كاتژمێر 6:10 خولەكی بەیانی، لەسەر شەقامی 120 مەتری دوو تۆمەتباریان بە تۆمەتی دزینی كەیبڵی كارەبایی شەقامەكە دەستگیر كردووە.
ئەوەش هاتووە، لە كاتی دەستگیركردنی تۆمەتباراندا دەست بەسەر ئۆتۆمبێلێكی جۆری “نیسان سەنی تاكسی” و كۆسەرە و مشار و تاقم سپانە و چەقۆدا گیراوە.
هەر بەپێی بڵاوكراوەكەی پۆلیسی هەولێر بە مەبەستی گرتنەبەری رێكارە یاساییەكان، ئەو دوو تۆمەتبارە رادەستی بنكەی پۆلیسی “توڕەق” كراون.
