شانەی راگەیاندنی ئەمنی عیراق بڵاویكردەوە، فڕۆكە جەنگییەكانیان 3 چەكداری داعشیان لەچیای حەمرین بۆردومان كردوە.
شانەی راگەیاندنی ئەمنی ئاماژشیكردوە، بەسەرپەرشتی فەرماندەیی پرۆسە هاوبەشەكان و بەپێی زانیاری وردی هەواڵگری، هێزە ئاسمانیەكانی عیراق بەفڕۆكەی 16F بە دوو موشەك سێ چەكداری داعشیان كردۆتە ئامانج و یەكێكیشیان بریندار كردوە، هاوكات بەهۆی بۆردومانەكەوە ئەو ئەشكەوتەی كردبویانە مۆڵگەی خۆیان لەناوچەی زرلوك لەچیای حەمرین خاپوركراوە.
شانەی راگەیاندنی ئەمنی ئاماژەشیكردوە، هێزە ئەمنییەكانی عیراق بە هەموو یەكەكانییەوە سورن لەسەر روبەڕوبونەوەی داعش و ئەنجامدانی پرۆسەی پێشوەختە دژی پاشماوەی ئەو چەكدارانەی لە چیاو بیابانەكاندا ماون و لە هەركوێیەك بن لێیان دەدرێت.
