لیوا عەبدولقادر عەزیز بەڕێوەبەری گشتی هاتوچۆی هەرێم ئاشكرای كرد، چیتر ناتوانرێت تابلۆی كۆنی ئۆتۆمبێل چاپ بكرێت و هەركەس مامەڵەی نوێكردنەوەی ساڵانە بكات، پێویستە تابلۆ نوێكە ببەستێت.
لیوا عەبدولقادر لە لێدوانێكی رۆژنامەوانیدا ئاماژەی بەوەداوە، بڕیاردراوە هەر هاوڵاتییەك مامەڵەی گواستنەوەی خاوەندارێتی بۆ ئۆتۆمبێلەكەی بكات یاخود ساڵانە نوێبكاتەوە دەبێت تابلۆكەی بگۆڕێت و تابلۆ نوێیەكە بۆ ئۆتۆمبێلەكەی وەربگرێـت.
هێمای بۆ ئەوەش كردووە، ئێستا ناتوانرێت تابلۆ كۆنەكە چاپبكرێت، بۆیە بڕیاردراوە ئەو كەسانەی ئەو مامەڵانەیان هەیە راستەوخۆ تابلۆی ئۆتۆمبێلەكەیان بگۆڕن بە شێوازە نوێیەكە.
سەبارەت بە جیاوازی رسومات لەگەڵ بەغدا كە هەرێمی كوردستان 75 هەزار و بەغدا 60 هەزار وەردەگرێت بۆ گۆڕینی تابلۆ، بەڕێوەبەری گشتی هاتوچۆی هەرێم وتویەتی، رسوماتی ئەوان لەگەڵ حكومەتی بەغدا جیاوازە.
