وەزارەتی بازرگانی هەرێم سەبارەت بە هۆكاری بوونی بۆنێكی ناخۆش لەو رۆنی زەیتەی لە بەشەخۆراكی مانگانە دابەش كراوە جەخت لەوە دەكاتەوە، بەكارهێنانی تەندروستە و زیانی نییە، لەگەڵ ئەوەشدا چیتر دابەش ناكرێت.
نەوزاد كامیل بەڕێوەبەری گشتی بازرگانی لە وەزارەتی بارزگانی بە میدیای فەرمی پارتی وتووە، لەسەر ئەو بۆنەی لە رۆنی زەیتی ناو بەشە خۆراك دێت، لەگەڵ وەزارەتی بازرگانی عیراق قسەیان كردووە و لەسەر خەتن، دەركەوت بەهۆی ئەوەیە زەیتی گوڵەبەڕۆژە كەم بووە و سۆیا بەكار هاتووە، رێژەی ماددەی سۆیاش لە زەیتەكەدا زیاد كراوە.
هێمای بۆ ئەوەش كردووە، وەزارەتی بازرگانی عیراق بەڵێنی چارەسەركردنی ئەو كێشەیان داوە و وتیان دووبارە نابێتەوە، ئەگەرچی لە رووی تەندروستییەوە هیچ زیانێكی نییە، سۆیا ماددەیەكی وەكو گوڵەبەڕۆژەیە و بۆ زەیت بەكار دێت، ماددەی سۆیا زیاد بەكار هاتووە، ئەوەش بۆنەكەی گۆڕیوە بۆ هاوشێوەی بۆنی ماسی.
ئەو بەرپرسەی وەزارەتی بارزگانی دڵنیاییشی دا لەوەی، ئەو رۆنەی دابەش كراوە هیچ زیانێكی بۆ تەندروستی نییە، هەر ماددەیەكی بەشەخۆراك كە لە بەغداوە دەنێردرێت، دوای پشكنینی تەندروستی ئینجا دابەش دەكرێت، ئەم مانگەش ئەو زەیتەی دەدرێت لە جۆری ئاڵتوونسایە و هیچ جۆرە بۆنساردێكی لێ نایەت.
