پەرلەمانتارێكی عیراق رایگەیاند، سیاسەتی نەوتی هەرێم و داهاتەكەی خراپترین و ناشەفافترین پرۆسەیەو زیانی گەورەی لەخەڵكی كوردستانداوە.
سۆران عومەر ئەندامی ئەنجومەنی نوێنەرانی عیراق بڵاویكردۆتەوە، دەوترێت عیراق گەندەڵی گەورەی تێدایە، ئاوەداننەكراوەتەوە خزمەتگوزاری خراپە، قەبارەی گەورەی گەندەڵی بونی هەیە، هەموو ئەمانە راستە، بەڵام ئەوەی لە عیراق بونی هەیەو جیاوازە داهاتی نەوت و راپۆرتی چۆنێتی و چەندێتی هەناردەو فرۆش و داهاتەكەیەتی، هەموو هاوڵاتیەك دەتوانێت دەستی بگات بە زانیاری هەناردەی نەوت و بڕی داهاتەكەی.
سۆران عومەر راشیگەیاندوە، هاوڵاتی عیراق جگە لەهەرێم سودمەندن لە هەرزانی نرخی بەنزین و گاز ئەمە لەهەرێم بونی نیە، بەڵام لە هەرێم دەتوانرێت بزانرێت لەساڵی 2005ـەوە تاكۆتایی ساڵی 2021 عیراق چەند بەرمیل نەوتی هەناردە كردوەو بەچەند فرۆشتویەتی و داهاتی چەند بوە.
ئەو پەرلەمانتارە دەشڵێت: دوو خول لە پەرلەمانی كوردستان ئەندام بوم لەلیژنەی دارایی و لیژنەی سامانە سروشتیەكان، ئێستاش بەفەرمی نازانم هەرێم رۆژانە هەناردەی نەوتی چەندەو بەچەند نەوت دەفرۆشێ و داهاتی چەندە، بەڵام دەزانم 60%ی داهاتی نەوت بەناڕونی و ناشەفافی نایەتەوە دارایی حكومەت.
