بەهۆی هەڵكشانی حاڵەتەكانی سكچون و رشانەوە لەشاری سلێمانی نەخۆشخانەیەكی دیكە بەڕووی هاوڵاتیاندا دەكرێتەوە.
بەڕێوەبەرایەتی گشتی تەندروستی سلێمانی بڵاویكردۆتەوە، بەئامانجی پێشوازیكردن لە نەخۆش و چارەسەركردنیان، بەڕێوبەرایەتی گشتی تەندروستی سلێمانی لەسەر راسپاردەی سەباح نەسرەدین بەڕێوبەری گشتی تەندروستی سلێمانی، بە پێویست زانرا نەخۆشخانەی دكتۆر شەهید هێمن ناسراو بە (جمهوریی)ـەكە بەڕووی هاوڵاتیانی شاری سلێمانی بكاتەوە بۆ بونی هەر كەیس و حاڵەتێكی سكچون و رشانەوە كە پێویست بە داخڵبون بكات تا بتوانرێت ئەو لۆدە زۆرەو سەردانیكردنەی هەیە كەمبێتەوە لەسەر نەخۆشخانەكانی (شار، د.جەمال ئەحمەد رەشیدی منداڵان)و ناوەندە تەندروستییەكانی دیكە كە بەڕووی هاوڵاتیاندا كراونەتەوە
راشیگەیاندوە، لە رۆژی چوارشەممە 15-6ـەوە لە كاتژمێر 8ی بەیانی هاوڵاتیان دەتوانن سەردانی نەخۆشخانەی شەهید د.هێمن بكەن .
جێی ئاماژەیە لەگەڵ گۆڕینی كەشوهەواو بەرزی پلەكانی گەرما رێژەیەكی زۆری حاڵەتی سكچون و رشانەوە لە نێو گەورە ساڵان و منداڵاندا بڵاوبۆتەوە.
