بڕیارە مستەفا كازمی سەرۆك وەزیرانی عیراق سەردانی هەریەك لە كۆماری ئیسلامی ئێران و شانشینی عەرەبی سعودیە بكات.
سەرچاوەیەكی ئاگادار بە ئاژانسی هەواڵی عیراقی راگەیاندوە، لە چەند رۆژی داهاتوودا كازمی بەدوای یەكدا سەردانی ئێران و سعودیە دەكات.
راشیگەیاندوە، هەردوو سەردانەكە لە چوارچێوەی ئەو گفتوگۆ راوێژكاریانەدایە كە لەم دواییانەدا ئەو دووڵاتە لەبەغدا دەستیانپێكردوە، هەروەها لەو سەردانە چاوەڕوانكراوەدا كازمی چەندین دۆسیەی گرنگ گفتوگۆ دەكات لەنێوانیاندا پەیوەندییە دیپلۆماسییەكان لەگەڵ هەردوو ڵاتی دراوسێدا.
