وتەبێژی پێشووی رەوتی سەدر دەڵێت، موقتەدا سەدر هیوای وابوو پارتی دیموكراتی كوردستان و هاوپەیمانی سیادەی سونەكانیش لەگەڵیدا لە پرۆسەی سیاسی بكشێنەوە، بەڵام سەدریان بێهیواكرد و نەكشانەوە.
حەسەن زركانی وتەبێژی پێشووی رەوتی سەدر لە لێدوانێكی رۆژنامەوانیدا وتی، موقتەدا سەدر لە گفتوگۆكانی سەبارەت بە كشانەوەی لە پەرلەمان، هیوای وابوو هاوپەیمانەكانی وەك “پارتی و سیادە” لەگەڵیدا بكشێنەوە، بەڵام پێچەوانەكەی روویدا.
رونیشیكردووەتەوە، ئاماژەی دەروونی لەپشت بڕیارەكانی كۆتایی سەدرەوە هەیە، هۆكاری سەرەكی ئەوەی سەدر چووە هەڵبژاردنەوە بۆ پێكهێنانی حكومەتێكی زۆرینە بوو دوور لە پشككاری.
ئەو وتەبێژەی پێشووی رەوتی سەدر باسی لەوەش كردووە، قورسە بتوانیت پێشبینی بڕیارەكانی داهاتووی سەدر و هەنگاوەكانی بكەیت.
