عەلا حەیدەری ئەندامی پەرلەمانی عیراق دەڵێت، سێ دەوڵەت پێشێلكاری دژی سەروەری خاكی عیراق دەكەن، ئەوانیش ئەمریكا و توركیا و كوەیتن، بەهۆی ئەوەشەوە وەزیری دەرەوە بانگهێشتی پەرلەمان دەكەن.
عەلا حەیدەری رایگەیاندووە، ئەمریكا و توركیا و كوەیت پێشێلكاری ئاشكرا دژی سەروەری خاكی عیراق ئەنجام دەدەن، ئەوەش بەهۆی لاوازی حكومی و دبلۆماسییەوە.
وتوشیەتی، توركیا دەیان كیلۆمەتر هاتووەتە ناو خاكی عیراق و دەیان بنكەی سەربازی لەناو هەرێمی كوردستان جێگیر كردووە، بەبێ ئەوەی هیچ وەڵامێكی حكومی هەبێت.
ئەو پەرلەمانتارە جەخت لەوەش دەكاتەوە، پەرلەمان دەستەوەستان نابێت و وەزیری دەرەوە بانگهێشت دەكرێت، بۆ ئەوەی روونكردنەوە لەسەر پێشێلكاریەكانی ئەو وڵاتانە بدات.
