د. ئەحمەد زویتن نوێنەری رێكخراوی تەندروستی جیهانی لەعیراق دوای سەردانیكردنی سلێمانی، لەتویتێكدا ستایشی ئەو خزمەتگوزاریە تەندروستیانەی كرد كە لە نەخۆشخانەكانی سلێمانی پێشكەشی توشبووانی كۆلێرا دەكرێت.
ئەمڕۆ سێشەممە د. ئەحمەد زویتن سەردانی بەشی فریاكەوتنی نەخۆشخانەی شەهید دكتۆر هێمنی كرد بۆ ئاگاداربوون لە هەوڵەكانی بەرەنگاربوونەوەی نەخۆشی سكچوون و رشانەوە و كۆلێرا.
دواتر ناوبراو لە ئەكاونتی رێكخراوی تەندروستی جیهانی لە تۆڕی كۆمەڵایەتی تویتەر ستایشی ئەو خزمەتگوزارییە تەندروستیانەی كردووە كە لەو نەخۆشخانەیە پێشكەشی توشبووەكان دەكرێت و یارمەتیدەر بووە بۆ چاكبوونەوەی سەرجەم تووشبووان لەماوەی چەند رۆژێكی كەمدا.
لەماوەی رابردودا نەخۆشی سكچوون و رشانەوە و كۆلێرا لە شاری سلێمانی و چەندین پارێزگا و ناوچەی تری عیراق بڵاوبوویەوە و ژمارەیەكی زۆر كەس توشبوون، بەڵام ژمارەی گیان لەدەستدان زۆر كەمن.
