وەفا محەمەد ئەندامی پەرلەمانی عیراق پێی وایە، دیمەنی سیاسی پێویستی بە پیرۆز كردنە لەلایەن موقتەدا سەدرەوە، ئەوەش واتای ئەوە نییە مەرجە لە حكومەت بەشداربن، بەڵكو شەقام نەوروژێنن.
وەفا محەمەد لە لێدوانێكی رۆژنامەوانیدا وتویەتی، وتەكانی عەمار حەكیم سەرۆكی رەوتی حیكمە لەسەر كشانەوەی رەوتی سەدر بۆ خۆلادانە لە پێكدادانی ناوخۆیی و ناوبراو زۆر جار بەو شێوازە ژیرانە قسە دەكات.
هێمای بۆ ئەوەش كردووە، دیمەنی سیاسی پێویستی بە پیرۆزكردنیەتی لەلایەن موقتەدا سەدرەوە بۆ ئەوەی حكومەت پێكبهێنرێت، ئەوەش واتای ئەوە نییە كە پێویستە بەشداری حكومەت بكەن، بەڵكو بە واتای نەوروژاندنی شەقامە.
ئەو پەرلەمانتارەی پارتی لە بەشێكی تری قسەكانیدا باسی لەوە كردووە، موقتەدا سەدر تەنها لە پرۆسەی سیاسی نەكشایەوە، بەڵكو هۆشداریشیداوە و رەتیدەكاتەوە هیچ كەسێكی سەربە رەوتەكەی بەشداری حكومەت بكەن.
