وەزارەتی دەرەوەی روسیا هۆشداری دەداتە ولایەتە یەكگرتووەكانی ئەمریكا و هاوپەیمانەكانی لەوەی، پێكدادانی سەربازی كراوە لەگەڵ وڵاتەكەی مەترسی هەڵگیرسانی جەنگی ئەتۆمی بەدواوەیە.
ماریا زاخارۆڤا وتەبێژی فەرمی وەزارەتی دەرەوەی روسیا لە بڵاوكراوەیەكدا نوسیویەتی، واشنتن و هاوپەیمانەكانی بارودۆخەكەیان قەیراناوی تر كرد لە ئۆكرانیا و روبەڕوبوونەوەیەكی توندی روسیایان دەستپێكردووە، بەشێوەیەكی مەترسیدار هاتوونەتە لێواری روبەڕوبونەوەی سەربازی كراوە لەگەڵ روسیا.
رونیشیكردووەتەوە، ئەوەش واتای روبەڕوبونەوەی راستەوخۆی هێزی ئەتۆمییە، نیگەرانن لەو جۆرە پێكدادانانەی كە ئەگەری هەیە ببێتە هۆی دروستبوونی گرژی ئەتۆمی.
پێشتریش دیمتری مدڤیدیڤ جێگری سەرۆكی ئەنجومەنی ئاسایشی روسیا وتبووی، ئەگەری هەیە جەنگی ئەتۆمی هەڵگیرسێت.
