وەزارەتی نەوتی عیراق ئاشكرای كرد، سكاڵاكەی عیراق كە داوای 26 ملیار دۆلار لەتوركیا دەكات بەهۆی نایاسایی بوونی هەناردەی نەوتی هەرێمی كوردستان لەڕێگەی ئەو وڵاتەوە هەنگاوی باشی بڕیوە و چاوەڕوانی ئەوەن لەچەند مانگی داهاتوودا دادگا ئەو مافە بگەڕێتەوە حكومەتی عیراق.
وەزارەتەكە بڵاویكردووەتەوە، ئیحسان عەبدولجەبار وەزیری نەوت خۆی ئامادەبووە لە پرۆسەی دادبینی بۆ بەدەستهێنانەوەی مافە یاسایی و داراییەكانی عیراق لەپرۆسەی بەڕێوەبردنی نەوتدا.
ئەوەش هاتووە، سكاڵاكەی عیراق كە داوای 26 ملیار دۆلار لەتوركیا دەكات هەنگاوی باشی بڕیوە و چاوەڕوانی ئەوەن لەچەند مانگی داهاتوودا دادگا بە ئامادەبونی پارێزەرانی نێودەوڵەتی بڕیاری ئەوەبدات كە هەناردەكردنی نەوتی هەرێم لەڕێگەی توركیاوە نایاساییە و ئەو مافە بگەڕێتەوە بۆ خودی حكومەتی عیراق.
حكومەتی عیراق هەوڵی كۆنترۆڵكردنی تەواوی بۆری نەوتی “كەركوك – جەیهان” دەدات كە بەشێكی موڵكی هەرێمی كوردستانە و نەوتی كەركوك و هەرێم دەگوازێتەوە بۆ بەندەری جەیهان لە توركیا.
