كەشناسی هەرێمی كوردستان ئاشكرای كرد، بەپێی پێشبینییەكان ئەمڕۆ شەممە پلەكانی گەرما كەمێك نزمدەبنەوە تۆز و خۆڵێكی سوكیش دروست دەبێت.
بەڕێوەبەرایەتی كەشناسی و بومەلەرزەزانی هەرێم بڵاویكردووەتەوە، ئەمڕۆ شەممە ئاسمان ساماڵ دەبێت و پلەكانی گەرما 1 بۆ 2 پلە دادەبەزن.
بەپێی هەمان ئەو پێشبینییانە، لە دوای نیوەڕۆوە ئەگەری دروستبوونی تۆز و خۆڵێكی سووك هەیە، ئەوەش بەهۆی زیادبوونی خێرایی باوە.
سەبارەت بە كەشوهەوای سبەینێ یەكشەممە، بەڕێوەبەرایەتییەكە ئاماژەی بەوەداوە، بەهەمان شێوە ئاسمان ساماڵ دەبێت و بەهۆی زیادبوونی خێرایی باوە ئەگەری دروستبوونی تۆز و خۆڵێكی سوك هەیە.
