محەمەد حەلبوسی سەرۆكی ئەنجومەنی نوێنەرانی عیراق داوای لە سەرۆك فراكسیۆنەكان كرد رۆژی دووشەممە 18-7 ئامادەی كۆبونەوەبن لەگەڵ سەرۆكایەتی ئەنجومەنی نوێنەران.
لەوبارەیەوە موزر كرەوی ئەندامی ئەنجومەنی نوێنەرانی عیراق رایگەیاندوە، لەكۆبونەوەی رۆژی دووشەممەدا سەرۆك فراكسیۆنەكان و سەرۆكایەتی پەرلەمانی عیراق چەند دۆسیەیەك تاوتوێ دەكەن.
باسكردوە كە لەو كۆبونەوەیەدا گفتوگۆی یەكلاییكردنەوەی دۆسیەی لیژنەكانی ئەنجومەنی نوێنەران دەكرێت پاشئەوەی پەرلەمانتارانی كوتلەی سەدر كشانەوە، هەروەها باس لە شایستە دەستورییەكان بۆ یەكلاییكردنەوی پۆستی سەرۆك كۆماری داهاتوی عیراق و راسپاردنی كاندید بۆ پێكهێنانی حكومەتی داهاتوو دەكرێت.
كرەوی ئاماژەشیكردوە، كۆبونەوەكە گرنگە بۆ بەرچاوڕونی قۆناغی داهاتوی ئەنجومەنی نوێنەرانی عیراق و چاوەڕوانیش دەكرێت راگەیەنراوێك لەپاش كۆبونەوەكە بڵاوبكرێتەوە لەبارەی ئەو بڕیارو بۆچونانەی دێنە ئاراوە.
