محەمەد شوكری سەرۆكی دەستەی وەبەرهێنانی هەرێم رایگەیاند، تاوەكو هەفتەی داهاتوو كارەكانیان بۆ دەستپێكردنی پڕۆژەی دروستكردنی 20 هەزار شوقەی كرێنشینان تەواو دەبێت، لە قۆناغی دابینكردنی زەویدان.
محەمەد شوكری بە ماڵپەڕی فەرمی پارتی وتووە، هەوڵدەدەن تاوەكو هەفتەی داهاتوو كارەكانیان بۆ دەستپێكردنی پڕۆژەی دروستكردنی 20 هەزار شوقە لە هەرێمی كوردستان تەواو بێت، هەوڵدەدەن زیاتر لە 20 هەزار شوقە دروستبكرێت، بۆ ئەوەی هاوڵاتیەكی زیاتر سودمەندبن.
باسی لەوەشكردووە، لە قۆناغی دابینكردنی زەویدان و لە هەندێك شوێن زەوی دابینكراوە و لە هەندێك شوێنیش ئۆفەری خۆیان داوەتە وەبەرهێنەران تاوەكو هەفتەی داهاتوو ئۆفەری وەبەرهێنەران وەرگرن و سەرەتای مانگی داهاتوو دەست بە جێبەجێكردنی پرۆسەكە بكەن.
سەرۆكی دەستەی وەبەرهێنانی هەرێم رونیشیكردووەتەوە، بەردەوام كار دەكەن بۆ پرسی جیاكردنەوەی شوقەكانی 80 مەتری و 100 مەتری و 120 مەتری كە بۆ هەر قەزا و ناحیەیەك چەند بێت.
