بەهۆی بۆردومانی ناوچەیەكی گەشتیاری سەر بە ئیدارەی زاخۆ، سەركردەیەكی چوارچێوەی هەماهەنگی داوای كۆبونەوەی بەپەلەی ئەنجومەنی نوێنەران دەكات.
توركی عەتبی سەركردەی چوارچێوەی هەماهەنگی رایگەیاندوە، كوژرانی زیاتر لە 20 هاووڵاتی عیراقی كە زۆرینەیان ژن و منداڵن لە بۆردومانێكی توركیا بۆ سەر ناوچەیەكی گەشتیاری لە زاخۆ قەسابخانەیەكە كە بەرامبەر بە هاووڵاتیانی بێتاوان كراوەو پەرەسەندێكی مەترسیدارە پێویستە حكومەتی عیراق هەڵوێستێكی نیشتمانی و خێرای هەبێت.
عەتبی راشیگەیاندوە، داوای كۆبونەوەیەكی بەپەلەی ئەنجومەنی نوێنەرانی عیراق دەكەم بۆ گفتوگۆ كردن لەدوایین پەرەسەندن و كۆتاییهێنان بە دوبارەبونەوەی بۆردومانی توركیا كە لەهەرێمی كوردستان قوربانی لێدەكەوێتەوە.
