مەولود چاوش ئۆغڵو وەزیری دەرەوەی توركیا رەتیدەكاتەوە، وڵاتەكەی لە پشت بۆردومانەكەی ناوچە گەشتیاریەكەی زاخۆوە بێت و دەڵێت، كاری رێكخراوی تیرۆرستییە.
مەولود چاوش ئۆغڵو لە بەرنامەیەكی تەلەفزیۆنیدا وتویەتی، تۆپبارانەكەی ناوچە گەشتیاریەكەی زاخۆ “یاری پەكەكە”یە، توركیا هاوڵاتی مەدەنی ناكاتە ئامانج بەڵكو دەیانپارێزێت.
وەزیری بەرگری توركیا وتوشیەتی، پەكەكە لە شنگالیش ئێزدییەكان وەك قەڵغان بەكاردەهێنێت و منداڵەكانیان بە زۆر دەكات بە چەكدار، ئەو بۆچوونانەی دەڵێن توركیا لە پشت هێرشەكەوەیە نادروستە، ئەمە هێرشێكە بۆ پەكخستنی بەرەنگاربوونەوەی تیرۆر و نابێت لایەنی عیراقی بكەوێتە ئەو تەڵەوە.
رەتكردنەوەی بۆردومانەكەی زاخۆ لەلایەن توركیاوە لەكاتێكدایە ئەو وڵاتە بەردەوام ئەو سنورە و چەندین ناوچەی تریش بۆردومان دەكات و پێشتریش لە بۆردومانەكانیدا چەندین هاوڵاتی مەدەنی تر بوونەتە قوربانی.
