سۆران عومەر ئەندامی پەرلەمانی عیراق ئاشكرای كرد، لەكۆبونەوەی دوێنێی پەرلەماندا، بەڵگەی بەكارهێنانی چەكی كیمیاوی لەلایەن توركیاوە بۆسەر هەرێمی كوردستان داوەتە حكومەتی عیراق.
سۆران عومەر لە تۆڕی كۆمەڵایەتی فەیسبووك بڵاویكردووەتەوە، وێنەی ئەم ئافرەتە بەركەوتووە بە بۆردومانی توركیا نیشاندەری ئەوەیە كە توركیا چی تاوانێكی دەرهەق بە خەڵكی هەرێمی كوردستان ئەنجام داوە.
رونیشیكردووەتەوە، لە كۆبوونەوەی پەرلەمان راپۆرتێكی 50 لاپەڕەیی دراوە بە وەزارەتی دەرەوە كە باس لەبەكارهێنانی چەكی كیمیاوی قەدەغەكراو دەكات لەهەرێمی كوردستان.
ئەو پەرلەمانتارەی كۆمەڵ جەختی لەوەش كردووەتەوە، راپۆرتێكی وردەكاریی پێشكەشی وەزیری بەرگری كردووە لەسەر پەلامار و دەستدرێژیەكانی توركیا بۆ ناو خاكی هەرێمی كوردستان.
