بەڕێوەبەری گشتی گەشتوگوزاری پارێزگای دهۆك رایگەیاند: لەدوای روداوەكەی پەرخی بەردەوام گەشتیاران سەردانی ناوچە گەشتیارییەكان دەكەن.
خەیری عەلی ئوسو بەڕێوەبەری گشتی گەشتوگوزاری دهۆك لە لێدوانێكدا رایگەیاندوە، سەرەڕای روداوەكەی هاوینەهەواری پەرخی بەردەوام گەشتیارانی باشورو ناوەڕاستی عیراق سەردانی ناوچە گەشتیارەییەكان دەكەن و ئەمساڵ بەراورد بە ساڵانی رابردوو رێژەی گەشتیاران زیاتر بوە.
خەیری وسو بۆ سایتی یەكێتی راشیگەیاندوە، لەماوەی 10 رۆژی رابردودا زیاتر لە 111 هەزار گەشتیار سەردانی ناوچە گەشتیارییەكانیان لە پارێزگای دهۆك كردوە، ساڵی رابردوش یەك ملیۆن و 500 هەزار گەشتیار سەردانی پارێزگای دهۆكیان كردبوو ئەمساڵیش پێشبینی دەكەین ژمارەی گەشتیاران زیاتر بێت.
ئەو بەڕێوەبەرە گشتیەی دهۆك راشیگەیاندوە، راستە بەهۆی بۆردومانەكەوە كاریگەریی لەسەر رەوشی گەشتیار دادەنێت، بەڵام بەردەوام لە ناوەڕاست و باشوری عیراقەوە سەردان دەكەن داوا لەلایەنی پەیوەندیدار دەكەین بۆردومانی ناوچە سنورییەكان چارەسەر بكەن، چونكە كەرتی گەشتوگوزار سەرچاوەیەكی بەهێزە بۆ هەرێمەكەمان.
