رۆژی سێشەممە دوو ناوچەی پارێزگای بەسرە گەرمترین دوو ناوچیەی جیهانیان لەماوەی 24 كاتژمێردا تۆمار كرد، ئەوەش بەپێی ئەو خشتەیەی وێستگەی “پلاسێرفیڵ” لە كالیفۆرنیای ئەمریكا بڵاویكردووەتەوە.
بەپێی خشتەیەك كە وێستگەكە بڵاویكردووەتەوە و ناوی گەرمترین 15 ناوچە و شاری جیهانی تێدایە لە ماوەی 24 كاتژمێری رابردوودا، ناوچەی “بەسرە حسێن” لە پارێزگای بەسرە گەرمترین ناوچەی جیهان بووە، ئەویش بە تۆمار كردنی پلەی گەرمی 47.8 پلە.
بەپێی خشتەكە، ناوچەی “فڕۆكەخانەی نێودەوڵەتی بەسرە” پلەی دووەم گەرمترین ناوچەی جیهانی تۆمار كردووە كە بەرزترین پلەی گەرمی لەو ماوەیەدا 47.5 پلە بووە، بەدوای ئەویشدا شاری “جەهرا” لە كوەیت بە هەمان پلە لە ریزبەندی سێیەمدا دەبینرێت.
هەرچی لە پلەكانی تردایە، چەندین ناوچەی ئێران و كوەیت و عیراق و جەزائیر پلەكانی چوارەم تاوەكو پلەی 15ەیەمیان گرتووە.
