وتەبێژی وەزارەتی دەرەوەی عیراق رایگەیاند: لە كۆبونەوەی نائاسایی ئەنجومەنی ئاسایشی نێودەوڵەتیدا لەبارەی هێرشەكانی توركیاوە، عیراق بەهێزترین وتەی پێشكەشكردوە.
ئەحمەد سەحاف وتەبێژی وەزارەتی دەرەوەی عیراق رایگەیاند، دیپلۆماسیەت هەڵگری ئەمانەتێكەو بەرگری لێدەكات بەتایبەت لە هێرشەكانی توركیا بۆ سەر خاكی عیراق و هەموو دەستدرێژیەكی رەتكردەوە.
سەحاف وتوشیەتی: وتەی عیراق لە كۆبونەوەی ئەنجومەنی ئاسایشدا لەماوەی 40 ساڵی رابردودا بێوێنە بوەو بە بەڵگەوە دەستدرێژیەكانی توركیای خستەڕو و قەبارەی دیپلۆماسیەتی بۆ عیراقیش دەرخست كە كێن ئەوانەی كاری دیپلۆماسیان لەگەڵدا دەكەین و چەندین هاوبەشی عیراق بۆردومانەكەی دهۆكیان ئیدانە كردو لەگەڵماندا بون.
