باسم خەشان ئەندامی پەرلەمانی عیراق دەڵێت، پێشتر داوای هەڵوەشانەوەی پەرلەمانی كردووە و لەسەر هەڵوێستی خۆی سورە، تەنانەت هەموو عیراقییەكان لە موقتەدا سەرد زیاتر ببن بە سەدریی پاشەكشە لە هەڵوێستەكانی ناكات.
باسم خەشان لە تۆڕی كۆمەڵایەتی فەیسبووك نوسیویەتی، سەرەڕای ئەوەی لە هەڵبژاردن براوەبوو داوای هەڵوەشانەوەی ئەنجامەكانی كرد، هەروەها داوای هەڵوەشانەوەی پەرلەمانی كرد ئەوەش بەهۆی تێپەڕبوونی وادەی دەستوریی، سەرجەم پەرلەمانتارە سەربەخۆكان و رەوتی سەدر و چوارچێوەی هەماهەنگیش دژی ئەوە بوون.
رونیشیكردووەتەوە، دوای چەند مانگێك لە داواكاریەكەی لەبەردەم دادگای فیدراڵی بۆ هەڵوەشانەوەی پەرلەمان، هەموان هەڵگەڕاونەتەوە و داوای هەڵوەشانەوەی دەكەن وەك وەڵامدانەوەی فشارەكانی شەقام، هەڵوێستی سەبارەت بە هەڵوەشانەوەی پەرلەمان جێگیرە و نەگۆڕاوە، چونكە بەبۆچونی ئەو هەرچی ئەم پەرلەمانە بیكات ناشەرعییە.
ئەو پەرلەمانتارە سەربەخۆیە لە بەشێكی تری نوسینەكەیدا باسی لەوە كردووە، زۆری ركابەرەكان و هەڵگەڕانەوەی هاوڕێكانی بەسەر خۆیاندا هەڵوێستی ناگۆڕن، تاوەكو ئێستاش لەگەڵ رێزگرتنی دەستورە و پاشەكشە ناكات لە مەبدەئەكانی، تەنانەت ئەگەر هەموو عیراقیەكان لە موقتەدا سەدر زیاتر سەدریی بن.
