شارەزایەكی كەشناسی بڵاویكردەوە، بەپێی پێشبینییەكان بەرزبوونەوەی پلەكانی گەرما بەردەوام دەبێت و رۆژی سێشەممە پلەیەكی تر بەرز دەبێتەوە.
ئاراز جەبار شارەزای كەشناسی لە بڵاوكراوەیەكدا ئاماژەی بەوەداوە، سبەی سێشەمە ئاسمانی هەرێم ساماڵ ئەبێت لەگەڵ بوونی پەڵە هەورێكی كەمدا، پلەكانی گەرما زیاتر بەرز ئەبنەوە بەرێژەی یەك پلەی سیلیزی.
باسی لەوەش كردووە، لەسەنتەری پارێزگاكانی هەرێم بەرزترین پلەی گەرما لە هەولێر 46 پلە و سلێمانی و دهۆك و هەڵەبجە 44 پلە دەبن، هەروەها لە كەركوك دەگاتە 47 پلە لەناوچەكانی گەرمیانیش بەرزترین دەبێت و دەگاتە 49 پلەی سەدی، هەروەها لە ئیدارەی سۆران 43 پلە دەبێت.
