ئەنجومەنی وەزیرانی عیراق بڕیاریدا بنكەی پاسەوانی لەسەر سنورەكانی نێوان توركیاو عیراق بونیاتبنرێن.
ئەنجومەنی وەزیرانی عیراق بەسەرپەرشتی مستەفا كازمی سەرۆك وەزیران كۆبۆوەو پاش كۆبونەوەكە حەسەن نازم وتەبێژی حكومەتی عیراق لە پرێس كۆنفرانسێكدا رایگەیاند: كازمی داوای لەسەرجەم لایەنە سیاسییەكان كردوە لەسەر یەك مێز كۆببنەوە گفتوگۆی راستەقینە بكەن بۆئەوەی رێگربن لە خوێنڕشتن.
راشیگەیاندوە، حكومەت لەماوەی دوو ساڵی كاركردنیدا كاری لەسەر فەلسەفەیەكی تایبەت كردوە كە توندوتیژی و ئاڕاستەكردنی پێخۆش نییە.
نازم ئاماژەشیكردوە: مستەفا كازمی لە كۆبونەوەكەدا رایگەیاندوە كە حكومەت كاردەكات بۆ پارێزگاریكردن لە هاوڵاتیان و دامەزراوەكانی و پەلكێشیان ناكات بۆ توندوتیژی، ئامادەشە بۆ پشتیوانیكردنی گفتوگۆ و پشتیوانیكردن لە هاووڵاتیان بەتایبەت لەم رۆژانەی توڕەیی پێوە دیارە.
حەسەن نازم وتیشی: لەكۆبونەوەكەدا ئەنجومەنی وەزیران میوانداری جێگری فەرماندەی پرۆسە هاوبەشەكانی كردبو تا لە رەوشی ناوچە سنورییەكانی عیراق و توركیا بكۆڵێتەوەو بڕیاردرا دەستگیرۆیی دارایی بكرێت بۆ بونیاتنانی بنكەی پاسەوانی لەسەر سنوری نێوان عیراق و توركیا.
راشیگەیاند: هەر لە كۆبونەوەكەدا حكومەتی بڕیاریدا بە فرۆشتنی زیاتر لە 58 پارچە زەوی بۆ هاووڵاتیان ئەوانەی داهاتی سنورداریان هەیە
