فڕۆكە جەنگییەكانی توركیا جارێكی تر بۆردومانی ناوچە سنورییەكانی سەر بە پارێزگای دهۆكیان كردەوە.
لەوبارەیەوە سەرچاوەیەكی ئاگادار رایگەیاندوە، پاشنیوەڕۆی رۆژی سێشەممە 2-8 فڕۆكە جەنگییەكانی توركیا بۆردومانی ناوچەكانی دەوروبەری گوندی سكێرێی سەر بە قەزای ئامێدی لە پارێزگای دهۆك كردوە.
ئەو سەرچاوەیە راشیگەیاندوە، فڕۆكەكان دووجار بەدوای یەكدا بۆردومانی ناوچەكەیان كردوەو تا ئێستا زیانەكانی نەزانراون.
ماوەی چەندین ساڵە بەبیانوی چەكدارانی پارتی كرێكارانی كوردستان (پەكەكە) فڕۆكەو تۆپخانەكانی توركیا ناوچە سنورییەكانی هەرێمیان بۆردومان كردو لە كۆتایی مانگی رابردوشدا بۆردومانی ناوچەیەكی گەشتیاریان لە گوندی پەرخی كرد كە بەوهۆیەوە چەندین قوربانی لێكەوتەوە كە هەمویان گەشتیاری عەرەب بون و لە پارێزگاكانی ناوەڕاست و باشوری عیراقەوە سەردانیان كردبوو.
