بڵێسە جەبار فەرمان ئەندامی سەركردایەتی یەكێتی رایگەیاند، بۆ هەڵبژاردنی سەرۆك كۆمار ئامادەییان دەربڕیوە بۆ دوبارەبونەوەی سیناریۆی ساڵی 2018، بەڵام پارتی رەزامەند نییە پۆستەكە بەو شێوە یەكلایی بكرێتەوە.
بڵێسە جەبار فەرمان لە چاوپێكەوتنێكی لەگەڵ دەنگی ئەمەریكا باسی لەوەكردووە، لەدوایین كۆبوونەوەی ئەنجومەنی سەركردایەتی بڕیار بۆ پۆستی سەرۆك كۆمار تەنها دكتۆر بەرهەم بووە، بۆ دوبارەبوونەوەی سیناریۆكەی ساڵی 2018 ئامادەیی خۆیان دەربڕیووە، بەڵام ئەوەندەی تێگەیشتبێت پارتی رازی نییە بەشێوەی ساڵی 2018 ئەو پۆستە یەكلایی بكرێتەوە.
رونیشیكردوەتەوە، دانیشتنیان لەگەڵ هەموو لایەنەكاندا پێ باشە، بەڵام رەتكردنەوەی كەسی و شەخسی كردنی پۆستەكانیان پێباش نییە.
دەربارەی بانگەشەی خۆپیشاندان لە هەرێمی كوردستان هێمای بۆ ئەوەكردووە، هاوڵاتیانی هەرێم ناڕازین لە هەندێك قەیران و شێوازی هەرێمی كوردستان و دژ بەوە خۆپیشاندان دەكەن، ناكرێت خۆپیشاندانەكانی هەرێم بەراورد بكرێت بە عیراق، خۆپیشاندانەكانی بەغدا سیاسین و مەرامی سیاسی لەپشتە دژ بەحكومەت نییە، تەنها دژ بە پەرلەمانە و لایەنێك دژ بەلایەنێكی ترە.
