زانایەكی روسی دەڵێت، دوبارە توشبوونەوە بە كۆرۆنا مەترسیدارە و كاریگەرییە سلبییەكانی زیاتر دەبن لەسەر تەندروستی مرۆڤ، تەنانەت ئەوانەشی كە تەمەنیان كەمە.
نیكۆلای كریوشكۆف زانای بواری بەرگری جەستە ئاماژەی بەوەداوە، دووبارە و چەند بارە توشبوونەتەوە بە پەتای كۆرۆنا مەترسی و كاریگەرییە سلبییەكان لەسەر جەستە زیاتر دەكات، سەبارەت بە دەزگای دەمار كەسەكە هەست بە بە تێكچوون و سەرئێشە و دودڵی و تێكچوونی تەركیز و تەنانەت خەمۆكیش دەكات.
رونیشیكردووەتەوە، ئەمە تەنانەت بۆ ئەو كەسانەش كە تەمەنیان كەمە و كەسانی تەندروستن راستە، سەرەڕای ئەوانەش شەكەتی و خێرایی لێدانی دڵ زیاد دەكات، لە هەندێكیشدا دەبێتە هۆی قژهەڵوەرین و لەدەستدانی هەستی بۆنكردن، ئەوەش سەرەڕای ئەوەی كە لەگەڵ دەركەوتنی گۆڕاوی ئۆمیكرۆن هەندێك لەو نیشانانە نەمان.
ئەو زانا روسیە لە بەشێكی تری قسەكانیدا وتویەتی، دوبارە و چەند بارە توشبوونەوە بە پەتای كۆرۆنا ئێستا بەربڵاوە، ئەوەش بەهۆی ئەوەی گۆڕاوی ئۆمیكرۆن بەرگرییەكی لاوازتر بۆ توشبوو دروست دەكات و ماوەیەكی كەم دەخایەنێت.
