ئەنجومەنی وەزیرانی عیراق بە سەرپەرشتی مستەفا كازمی سەرۆك وەزیران كۆبۆوەو تیایدا رایگەیاندوە، نەبونی بودجە مەترسیدارەو ئامادەشن دەسەڵات رادەستی هەر حكومەتێك بكەن كە هەڵدەبژێردرێت.
لە كۆبونەوەی ئەنجومەنی وەزیراندا مستەفا كازمی رایگەیاندوە، عیراق روبەڕوی كێشەیەكی سیاسی راستەقینە بۆتەوە لەدوای قۆناغی هەڵبژاردنەوە پێویستی بە چارەسەرە، چارەسەریش داوای گفتوگۆ و ژیری و قوربانیدان دەكات وەك ئیمام حسێن كە لەپێناوی دادپەوەری و ئایین و بەهاكاندا قوربانیدا، لەبەرئەوە داوا لەسەركردە سیاسییەكان دەكەم قوربانی بدەن لەپێناوی نیشتمان و رۆڵەكانیدا، چونكە ئەو هەڕەشانە كاریگەریی لەسەر كاری حكومەت و دامەزراوەكانی داناوە، 28 مانگە بەردەوامین بەداخەوە لەم ماوەیەدا تەنها بودجەی شەش مانگ دیارە چۆن دەبێت وڵات بەبێ بودجە كار بكات؟
كازمی راشیگەیاندوە: ئەم كێشەیە لە حكومەتەوە نییە، بەڵكو بەهۆی رەوشی سیاسیەوەیە لەكاتێكدا ئەم حكومەتە بە یەكسانی دەڕوانێتە هەموو لایەك و هیوادارین لایەنەكان پشتیوانی حكومەت بن.
