سەركردەكانی چوارچێوەی هەماهەنگی كۆبونەوە بۆ گفتوگۆ كردن لەبارەی دواپێشهاتی رەوشی ئاڵۆزاوی عیراقەوە.
سەرچاوەیەكی ئاگادار رایگەیاندوە، سەركردەكانی چوارچێوەی هەماهەنگی لەماڵی هادی عامری سەرۆكی هاوپەیمانی فەتح كۆبونەتەوە.
ئاماژەشیكردوە، ئامانجی كۆبونەوەی سەركردەكانی چوارچێوەی هەماهەنگی بۆ گفتوگۆكردنە لەبارەی دەرهاویشتەی سەردان و كۆبونەوەكانی عامری كە ئەنجامی داون.
جێی ئاماژەیە، هادی عامری سەردانی هەرێمی كوردستانی كردو لەگەڵ سەركردەی لایەنە سیاسییەكانی بەشدار لە پرۆسەی سیاسی عیراق بەتایبەت ئەوانەی كورسیان لە ئەنجومەنی نوێنەران هەیە لە هەولێرو سلێمانی كۆبۆوە بە ئامانجی گفتوگۆ كردن دەربارەی داواكارییەكانی سەدرو رێگاكانی چارەسەركردنی رەوشی عیراق.
