شاخەوان عەبدوڵڵا جێگری سەرۆكی پەرلەمانی عیراق ئاشكرایكرد، ئەگەر رەوشی ئێستای عیراق بەردەوام بێت ئەوكات پەرلەمان دواجار بڕیاری خۆی دەدات، بەڵام هەر كۆبونەوەیەكی پەرلەمان لەئێستادا رەوشەكە ئاڵۆزتر دەكات.
شاخەوان عەبدوڵڵا جێگری سەرۆكی پەرلەمانی عیراق بەماڵپەڕی فەرمی پارتی راگەیاندوە: نامانەوێ لەئێستادا هیچ كۆبونەوەیەكی پەرلەمان بەڕێوەبچێت، لەبەرئەوەی هەر كۆبونەوەیەك بكرێت گریمانەی پێكادان و ئاڵۆزی زیاتری رەوشەكە هەیە، بەڵام ئەگەر رەوشەكە هەر بەردەوامی هەبێت دواجار پەرلەمان بڕیاری خۆی دەدات.
جێگری سەرۆكی پەرلەمان وتوشیەتی: هیچ داوایەك بەشێوەیەكی فەرمی بۆ كۆبونەوەی پەرلەمان لە هەولێرەوە نەگەیشتۆتە دەستەی سەرۆكایەتی پەرلەمان، لەئێستادا هەم پەرلەمان وەستاوەو هەمیش ئەنجومەنی پارێزگاكان نەماون، حكومەتیش بەتەواوەتی دەستی كراوەیە لە بابەتی گەندەڵی، ئێمە چاوەڕێین لەڕووی سیاسیەوە رەوشەكە هێور بێتەوە.
شاخەوان عەبدوڵڵا ئاماژشیكردوە، ئەگەر رەوشەكە لەڕووی سیاسیەوە چارەسەری بۆ نەكرێت هەر چارەسەرێك كاتی دەبێت و دواتر گرژییەكان بەردەوام دەبن، ئەگەر بێت و لەڕووی سیاسیەوە لایەنەكان بگەنە رێكەوتن ئەوە پەرلەمان هەر لە بەغدا كۆدەبێتەوە.
