قوباد تاڵەبانی جێگری سەرۆكی حكومەتی هەرێم بەهۆی نیگەرانییەكانیەوە لە ئەنجومەنی وەزیران، بڕیاریداوە ئەمڕۆ چوارشەممە بەشداری كۆبونەوەی ئەنجومەنەكە نەكات، ئەوەش بەردەوام دەبێت تاوەكو رەوینەوەی نیگەرانییەكان.
میدیای یەكێتی لە زاری سەرچاوەیەك لە ئەنجومەنی وەزیرانی حكومەتی هەرێمی كوردستانەوە بڵاویكردووەتەوە، ئەمڕۆ چوارشەممە 26 تشرینی یەكەمی 2022 كۆبونەوەی ئەنجومەنی وەزیران بەڕێوەدەچێت، بەڵام قوباد تاڵەبانی جێگری سەرۆكی حكومەت بەشداری ناكات.
بەپێی زانیاریەكانی سەرچاوەكە، ئەوەش بەهۆی نیگەرانی ناوبراوەوەیە لە ئەنجومەنی وەزیران و ئەو نیگەرانیانەشی پێ راگەیاندوون، “بەبێ ئەوەی سەرچاوەكە نیگەرانییەكان ئاشكرا بكات”.
سەرچاوەكە جەختی لەوەش كردووەتەوە، هەتاوەكو نیگەرانییەكان نەڕەوێنەوە، قوباد تاڵەبانی و تیمی یەكێتی بەشداری كۆبونەوەكانی ئەنجومەنی وەزیران ناكەن.
