واژۆ
دژەتیرۆری كوردستان رایگەیاند: لە ئۆپراسیۆنە سەربازییەكەی توركیادا بۆسەر باشورو رۆژئاوای كوردستان زیاتر لە 30 چەكداری یەكینەكانی پاراستنی گەل (یەپەگە) پارتی كرێكارانی كوردستان (پەكەكە) كوژراون.
دژەتیرۆری كوردستان ئاماژەی بەوەكردوە، لەئۆپراسیۆنەكەی سوپای توركیادا بۆ سەر چەكدارانی پەكەكە لەباشوری كوردستان و یەپەگە لە رۆژئاوای كوردستان دەیان چەكدار كوژراون و بریندار بون، هەروەها زیاتر لە 25 هێرشی ئاسمانی بۆ سەر بنكەو پێگەكانی چەكدارانی یەپەگەو پەكەكە لەسنوری حەسەكە گوندەكانی حەلەب و رەقەو كۆبانێ لە رۆژئاوای كوردستان و گوندەكانی قەزای ماوەت، بناری قەندیل، چیاكانی كورتەك و ئاسۆس و سنوری برادۆست ئەنجامداون و تائێستا 32 چەكداری یەپەگەو پەكەكە كوژراون و ژمارەیەكیش بریندار بون.
