واژۆ
هەڤاڵ ئەبوبەكر پارێزگاری سلێمانی، بەناوی پارێزگای سلێمانییەوە هاوخەمی بۆ كارەساتەكەی پارێزگا دهۆك راگەیاند، كە بەهۆیەوە 5 كەس گیانیان لەدەستدا و 32ی تر بریندار بوون.
هەڤاڵ ئەبوبەكر بڵاویكردووەتەوە، بەناوی پارێزگای سلێمانییەوە، هاوخەمی خۆیان بۆ كارەساتەكەی ئەمشەوی شاری دهۆكی خۆشەویست دەردەبڕین و پرسەی گشتی لە سنوری پارێزگاكەیان رادەگەیەنن، پرسەو پەژارەی خۆیان بۆ قوربانییەكان دەردەبڕین و هیوای چاكبونەوەی خێرا بۆ بریندارەكان دەخوازن.
ئاماژەی بەوەشداوە، هاوكاری و ئامادەیی پارێزگاكەیان بۆ هەر ئەركێك دەردەبڕین و پشتیوانی پارێزگاری دهۆك و هەموو دامودەزگاكان دەبن.
شەوی رابردوو تانكی غازی فڕنێك لە پارێزگای دهۆك تەقیەوە كە بەشە ناوخۆییەك لەسەر فڕنە بووە و بەهۆیەوە 5 كەس گیانیان لەدەستدا و 32ی تر بریندار بوون.
