واژۆ
بەڕێوەبەرایەتی گشتی كەشناسی و بومەلەرزەزانی هەرێم رایگەیاند، بەپێی پێشبینییەكان لەپاشنیوەڕۆی ئەمڕۆوە شەپۆلێكی بەفرو بارانبارین ناوچە جیاجیاكانی هەرێمی كوردستان دەگرێتەوە سبەینێش بەفر لە ناوچە شاخاویەكان دەبارێت.
بەرێوەبەرایەتییەكە ئاشكرایكردووە، ئەمڕۆ سێشەممە ئاسمان هەوری تەواو دەبێت، سەرەتا باران بارین لەكاتەكانی دوای نیوەڕۆ لە ناوچە شاخاوییەكان دەستپێدەكات، پاشان لەكاتە درەنگەكانی شەودا باران بارین لەزۆربەی ناوچەكان دەبارێت.
ئەوەشی خستووەتەڕوو، سبەی چوارشەممەش شەپۆلێكی بارانبارین تەواوی ناوچەكەمان دەگرێتەوە، باران بارین بەشێوەی مامناوەند و هەندێك جار لێزمەبارانیش دەبێت و هەندێك كات هەورە بروسكەشی لەگەڵ دەبێت، هەروەها بەفربارین لەسەر ناوچە شاخاویەسنوریەكان دەبێت.
بەڕێوەبەرایەتی كەشناسی و بومەلەرزەزانی رونیشیكردووەتەوە، بە پێی پێشبینیەكانی كەش و هەوا سبەی چوارشەممە پلەكانی گەرما لەناوچە جیاجیاكانی هەرێم 2 بۆ 4 پلە نزمتر دەبێت.
