واژۆ
عەلی شەداد فارس ئەندامی لیژنەی نەوت و غازی پەرلەمانی عیراق رایگەیاندووە، هیچ چارەیەك لە بەردەم حكومەتی هەرێمدا نییە جگە لە دانیشتن لەسەر مێزی لیژنەی باڵا بۆ گەیشتنە رێككەوتن لەسەر رەشنووسی یاسای نەوت غاز.
عەلی شەداد فارس وتویەتی، حكومەتەكەی محەمەد شیاع سودانی سەرۆك وەزیران هەنگاوێكی ناوە لە دۆسیەی نەوت لەگەڵ هەرێمی كوردستان لەڕێی كاراكردنەوەی لیژنەی تایبەت بە وتووێژ لەگەڵ حكومەنی هەرێم، لیژنەكە بەشێوەیەكی بەهێز كارادەكرێت، لەلایەن لیژنەی نەوت و غازی پەرلەمانیش بەدواداچوونی بۆ دەكرێت.
وتوشیەتی، هیچ چارەیەك لە بەردەم حكومەتی هەرێمدا نییە جگە لە دانیشتن لەسەر مێزی لیژنەی باڵا بۆ گەیشتنە رێككەوتن لەسەر رەشنووی یاسای نەوت و غاز، ئەوەش دوای پاش دادگای باڵای فیدڕاڵی لەبارەی ناشەرعیبوونی یاسای نەوت و غازی هەرێم.
ئەو پەرلەمانتارە جەختی لەوەش كردووەتەوە، یەكێك لە پێشنیازەكان كە رەنگە كورد بە ئاڕاستەی هەنگاو بنێت دامەزراندنی كۆمپانیای نەوتی كوردستانە كە بارەگاكەی لە هەرێم دەبێت و راستەوخۆ پەیوەندیدا دەبێت بە وەزارەتی نەوتی عیراق لەسەرجەم پرۆسەكانیدا.
