واژۆ
وەزارەتی دارایی عیراق داهاتی 10 مانگی ئەمساڵی بڵاوكردەوە كە 136 تریلیۆن و 260 ملیار دینارە، ئەوەش بە داهاتی نەوت و نا نەوتییەوە.
وەزارەتەكە لە راپۆرتێكدا ئاماژەی بەوەداوە، داهاتی ئەمساڵی عیراق 95.3%ی داهاتی نەوت و 4.7%یش داهاتی نانەوتییە.
ئەوەش هاتووە، كۆی داهاتی 10 مانگی رابردوو 136 تریلیۆن و 260 ملیار دینارە، ئەو داهاتەش 79 ترلیۆن و 730 ملیار دیناری بۆ خەرجی بەگەڕخستن خەرج كراوە و 6 ملیار دیناریشی بۆ خەرجی وەبەرهێنان.
پێشتریش كۆمانیای سۆمۆی تایبەت بە بازاڕكردنی نەوتی عیراق بڵاویكردبووەوە، كە داهاتی 11 مانگی نەوتی عیراق 107 ملیار و 877 ملیۆن دۆلار بووە، لەكاتێكدا ساڵی 2021 67 ملیار دۆلار بووە.
