ئومێد سەباح سەرۆكی دیوانی سەرۆكایەتی ئەنجومەنی وەزیرانی هەرێم ئاشكرای كرد، دوای تەواوبوونی هەندێك رێكاری كارگێڕی، 400 ملیار دینارەكەی بەغدا دەنێردرێت.
ئومێد سەباح بە میدیای پارتی وتووە، بڕیار لەبارەی ناردنی 400 ملیار دینار دراوە و ئەوەی ماوەتەوە رێكارە كارگێڕییەكانە، پێویستە ئەنجومەنی وەزیرانی عیراق بڕیارەكە ئاراستەی وەزارەتی دارایی بكات ئەوانیش بۆ بانكی ناوەندی بنێرن بۆ ئەوەی خەرجی بكەن، ئەو كات پارەكە دەنێردرێت.
ئاماژەی بەوەشداوە، بەردەوام لەسەر هێڵن لەگەڵ بەغدا و چاودێری رێكارەكانی ناردنی ئەو پارەیە دەكەن.
ئەمەش دوای ئەوەدێت دوێنێ سێشەممە ئاشكرا كرا، ئەنجومەنی وەزیرانی عیراق بڕیاریداوە بۆ مانگاكانی 11 و 12ی ئەمساڵ، بڕی 200 ملیار دینارەكەی موچەی فەرمانبەرانی هەرێم بنێرێت.
