واژۆ
بەپێی داتاكانی عەلی حەمە ساڵح ئەندامی پەرلەمانی كوردستان، مانگی 12ی ساڵی رابردوو حكومەتی هەرێمی كوردستان 12 ملیۆن و 255 هەزار بەرمیل نەوتی فرۆشتووە كە داهاتەكەی 844 ملیۆن دۆلار بووە.
عەلی حەمە ساڵح لە تۆڕی كۆمەڵایەتی فەیسبووك بڵاویكردووەتەوە، بەپێی ئەو بەڵگەنامەی لەبەردەستی ئەوە، مانگی پێشوو هەرێمی كوردستان 12 ملیۆن و 255 هەزار بەرمیل نەوتی فرۆشتوە.
رونیشیكردووەتەوە، نرخی بەرمیلێك نەوت بە نزیكەی 68 دۆلار و 91 سەنت فرۆشراوە، نزیكەی 56%ی داهات بۆ كۆمپانیاكان و كرێی بۆری و خەرجی بووە، بەمەش پوختەی داهات دەگاتە 371 ملیۆن دۆلار.
ئەو پەرلەمانتارە وتوشیەتی، ئەگەر 100 دۆلار بە 150 هەزار دینار هەژمار بكرێت دەكاتە 556 ملیار دینار، پارەی پێویستیش بۆ موچە زیاتر لە 900 ملیار دینارە، بۆیە ئەم پرۆسە پێویستی بە پێداچونەوەی جدییە.
