ئاراس جەبار، شارەزای كەشناسی هەرێمی كوردستان پێشبینیكرد ئەمڕۆ چوارشەممە پلەكانی گەرما لە ناوچە شاخاوییەكاندا بۆ 2-3 ـی ژێر پلەی سفری سیلیزی نزم ببنەوە و خێرایی باش لە ناوچەكانی پارێزگای سلێمانی و ئیدارەی راپەڕین بە چالاكی دەمێنێتەوە.
ئاراس جەبار لە بڵاوكراوەیەكدا رایگەیاند، ئەمڕۆ چوارشەممە لە ئەنجامی بەردەوامی كاریگەری بەرزە پاڵەپەستۆی باكوری ناوچەكە، ئاسمانی هەرێم بە ساماڵی دەمێنێتەوە، بەرزترین پلەی گەرما لەكاتەكانی رۆژدا 1 پلە بەرزتر دەبێتەوە و نزمترین پلەی گەرمی لە شەودا لەناوچە شاخاوییەكاندا 2 تا 3 پلە بۆ ژێر سفر دادەبەزێت.
رونیشیكردەوە، لە شاری سلێمانی پلەكانی گەرما بۆ 1 پلەی ژێر سفری سیلیزی دادەبەزێت، لە ناوچەكانی پارێزگای سلێمانی و ئیدارەی راپەڕینیش خێرایی با بە چالاكی دەمێنێتەوە بەخێرایی 15 تا 30 كم/س لە ئاراستەی باكوری رۆژهەڵاتەوە و تا رۆژی هەینی 13-1-2023 بەردەوامی دەبێت.
ئاراس جەبار پێشبینیكرد، رۆژی هەینی داهاتو كاریگەری نزمە پاڵەپەستۆیەكی لاوازی دەریای ناوەراست بگاتە ناوچەكانی هەرێم و بارانێكی كەم هەندێ لەناوچەكان بگرێتەوە.