واژۆ
د. نەرمین مەعروف ئەندامی لیژنەی دارایی پەرلەمانی عیراق رەتیدەكاتەوە، نیازی ئەوە هەبێت بەهای 100 دۆلار بەرامبەر 160 هەزار دینار جێگیر بكرێت.
د.نەرمین لە لێدوانێكی رۆژنامەوانیدا وتی، دەنگۆی جێگیر كردنی بەهای 100 دۆلار بەرامبەر 160 هەزار دینار دورە لە راستییەوە، لەگەڵ بانكی ناوەندی بەدواداچونیان كردووە و هیچ پلانێكی لەو جۆرە بوونی نییە.
وتوشیەتی، ئەوەی هەیە تەنها دەنگۆیە و بەهای دۆلار لە بانكی ناوەندی هەمان نرخی پێشتری هەیە و هیچ پلانێك نییە بۆ ئەوەی بەهای دۆلار بەرز بكرێتەوە، بەتایبەت كە ئێستا یەدەگی دراو و زێڕیش زیادیان كردووە.
ئەو پەرلەمانتارە هێمای بۆ ئەوەش كردووە، چاوەڕوان دەكرێت لە ئایندەیەكی نزیكدا بەهای دۆلار دابەزێندرێت و ئەو هەنگاوانەشی گیراونەتەبەر بۆ رێگری كردنە لە سپیكردنەوەی پارە و بردنە دەرەوەی دۆلار.
