واژۆ
موختار دیوب جێگری سەرۆكی جێبەجێكاری دامەزراوەی پارەداركردنی نێودەوڵەتی دەڵێت، لە ساڵی 2023دا جیهان روبەڕووی 3 قەیرانی ئابوریی دەبێتەوە، ئەوانیش “قەیرانی خۆراك، دابینكردنی هەلی كار و هەڵاوسان”.
دیوب لە پەراوێزی كۆڕبەندی ئابوریی جیهانی “داڤۆس 2023” وتی، قەیرانی خۆراك كاریگەری لەسەر هەموو وڵاتانی جیهان دەكات، بەڵام زیان بە وڵاتە هەژارەكان دەگەیەنێت و كاریگەریەكەی سەخت دەبێت لەسەریان، لەماوەی رابردودا 150 ملیۆن كەس چوونەتە ریزی ئەوانەی هەژارن.
ئاماژەی بەوەشداوە، دامەزراوەی پارەداركردنی نێودەوڵەتی سەكۆیەكی بۆ ئاسایشی خۆراك دابین كردووە و 6 ملیار دۆلاری تێدا داناوە، ئەوەش بۆ پاڵپشتی كردنی كەرتی تایبەت بۆ روبەڕووبونەوەی ئەو قەیرانە و هاوكاری كردن لە بەرهەمهێنانی خۆراك.
سەبارەت بە قەیرانەكانی تر كە روبەڕووی جیهان دەبنەوە لەساڵی 2023دا جێگری سەرۆكی جێبەجێكاری دامەزراوەی پارەداركردنی نێودەوڵەتی جەختی لەوە كردووەتەوە، كە دابینكردنی هەلی كار و هەڵاوسان دەبن.