واژۆ
زانایەكی بەناوبانكی بیركاری كە بە پێشبینییەكانی ناسراوە دەڵێت، لە ساڵی 2027 چیتر ئەمریكا گەورەترین هێزی جیهان نابێت، هەروەها شەڕی ئۆكرانیا لە ساڵی 2025 یەكلایی دەبێتەوە.
محەمەد سدیق ئەفغان كە بە یەكێك لە زانا بیركاریە دیارەكانی جیهان دادەنرێت و سەرۆكی دامەزراوەی جیهانی بۆ توێژینەوەی بیركاری فەلسەفەییە لە كابوڵ رایگەیاندووە، لە ساڵی 2025 خاڵی یەكلایی كردنەوەی شەڕی ئۆكرانیا دەردەكەوێت، هەروەها لە ساڵی 2027 چیتر ئەمریكا هێزی باڵادەستی جیهان نابێت.
ئەو زانا بیركاریە پێشی وایە، هەروەها لە ساڵی 2027 بۆ 2032 یەكێتی ئەوروپا دەڕوخێت، هەرچی سەبارەت بە ئەگەری هەڵگیرسانی جەنگی ئەتۆمییە وتویەتی، بەپێی پێشبینییەكانی تاوەكو ساڵی 2055 جەنگی لەو جۆرە رونادات، ئەوەی هەیە لە ئێستادا جەنگی ئەلكترۆنییە لە نێوان شارستانیەتە رۆئاوایی و رۆژهەڵاتییەكان.
محەمەد سدیق پێشتریش و لە ساڵی 1989 پێشبینی روخانی یەكێتی سۆڤێتی كردبوو هەروەها لەساڵی 2013 پێشبینی هاتنی ڤایرۆسی كۆرۆنای كردبوو واتا 6 ساڵ پێش دەركەوتنی ڤایرۆسەكە.
ئەو زانا بیركاریە دەڵێت، پێشبینییەكانی پشت بە حساباتی بیركاری زۆر قورس دەبەستێت، پێشتریش “فانغا” كە پێشبینیكەرێكی بولغاری بەناوبانگ بوو لە جیهاندا و ساڵی 1996 گیانی لەدەستداوە وتویەتی، زانایەكی بیركاری دێت و هەموو شتێكتان پێ دەڵێت، بۆی گوێی لێبگرن.