واژۆ
بەبۆنەی رۆژی جیهانی شێرپەنجەوە لەشاری دهۆك كۆنفرانسێك ئەنجامدراو وەزیری تەندورستیش رایگەیاند: هەرێمی كوردستان لەژێر هێڵی ستانداردی جیهانیەوەیە.
لەپرێس كۆنفرانسێكدا سامان بەرزنجی رایگەیاند: كێشە تەندروستیەكانی سەردەمی ئێستا شێرپەنجەیە كە دەبێت ستراتیژیەت و مامەڵەكردن بۆ رێگەگرتن لە تەشەنەسەندنی بزانین بۆ پێداچونەوەو نیشاندانی رەوشی شێرپەنجە، رەوشی شێرپەنجە ئاڵۆزە لەجیهاندا چونكە جۆر و بارو قۆناغەكانی جیاوازن و لە چارەسەركردن و دەستنیشانكردنەكانیشدا بە هەمان شێوەیە.
وتیشی: یەكێكی تر لە جیاوازی نەخۆشیەكانی شێرپەنجە ناڕونی هۆكارەكانە بەهۆی زۆری كۆمەڵگاو مرۆڤ كە مامەڵەی لەگەڵ دەكات.
وەزیری تەندروستی هەرێم باسی لەوەشكرد: لە كۆنفرانسەكەدا دیاریكرا كە لەهەرێمی كوردستان لەهەر 100 هەزار كەسێك 99 هاووڵاتی لەهەرێمی كوردستان وەك نەخۆشی شێرپەنجە تۆمار دەكرێن واتە لەژێر ستانداردی نێودەوڵەتیەو ئەمە ئەوە ناگەیەنێت كە بڵێین رەوشی ئێمە باشەو گرنگی پێنەدەین.
