واژۆ
مەسرور بارزانی سەرۆكی حكومەتی هەرێمی كوردستان پەیامێكی لەبارەی بومەلەرزەكەی توركیا و باكوری كوردستان بڵاوكردەوە و تێیدا ئامادەیی خۆی بۆ هەموو هاوكارییەك راگەیاندووە.
لە پەیامەكەی مەسرور بارزانی كە لە تویتەر بڵاویكردووەتەوە هاتووە، حكومەتی هەرێمی كوردستان ئامادەیە بۆ یارمەتیدانی هەوڵەكانی رزگاركردن و بەهاناوەچوونی زیانلێكەوتووان.
سەرۆكی حكومەتی هەرێم جەختی لەوەش كردووەتەوە، هاوخەمە لەگەڵ كەسوكاری قوربانیان و بریندارەكانی ئەو بومەلەرزەیەی ناوچەكەمانی هەژاند.
بەپێی زانیاریەكان، بومەلەرزەكە كە 7.9 پلە بووە بە پێوەری رێختەر و 10 شاری توركیا و باكوری كوردستان و چەندین شاری سوریا و ناوچەكەی هەژاندووە، 50 پاشلەرزە بەدوایدا رویانداوە، سەدان كەس گیانیان لەدەستداوە و هەزارانی تریش بریندارن و زیاتر لە هەزار خانوو و تەلاریش روخاون.
