واژۆ
رۆژنامەیەكی ئەمریكی بڵاویكردووەتەوە، سیاسیەكانی عیراق ئاسان بەدەستگەیشتنی دۆریان قۆستووەتەوە و بەهۆیەوە زیاتر لە میلـلەتەكەیان دەدزن.
رۆژنامەی واشنتن پۆست بڵاویكردووەتەوە، زیاتر لە دەیەیەكە سیاسیەكان ئاسان دەستكەوتنی دۆلاری ئەمریكییان وەك هەل بەكارهێناوە بۆ ئەوەی زیاتر لە میلـلەتەكەیان بدزن، ئەویش لەسەر ئاستێكی مێژوویی.
رونیشكراوەتەوە، لەوەش مەترسیدارتر ئەوەیە حكومەتە یەك لەدوای یەكەكانی عیراق دەستیان لەگەڵ سوپای پاسدارانی ئێراندا تێكەڵاو كردووە بۆ ئەوەی خۆیان لە سزاكانی ئەمریكا دەرباز بكەن و ملیارەها دۆلاریان خستووەتە خزمەتی بەرنامە ئەتۆمییەكەی ئێران و پاڵپشتی كردنی تیرۆر و توندوتیژی هەرێمیی.
واشنتن پۆست پێشی وایە، تاوەكو عیراق ئەو چالاكیانە سەركوت نەكات، لەسەر واشنتن پێویستە هەر هاوكاری كردنێك رەتبكاتەوە كە لەوانەیە ببێتە هۆی زیاتر سپیكردنەوەی پارە لە جیهاندا، چونكە ئەو كارە سیستمی دارایی ئەمریكی و ژیانی ئەمریكییەكان دەخاتە مەترسییەوە.
