واژۆ
پەرلەمانتارانی عیراق لەبارەی جێبەجێكردنی فرۆشتنی دۆلار لە نرخی فەرمی لە فڕۆكەخانەی نێودەوڵەتی سلێمانی لێدوانی جیاواز بڵاودەكەنەوە.
بڕیار رەشید ئەندامی ئەنجومەنی نوێنەرانی عیراق بڵاویكردۆتەوە، هاوڵاتیان ئاگاداردەكەنەوە كە لەسەر هێڵن لەگەڵ لقی بانكەكان و بەڕێوبەری بانكی ناوەندی هەرێم و بەڕێوبەری فرۆكەخانەی نێودەوڵەتی سلێمانی بۆ تەواوكردنی رێكارەكانی پێدانی دۆلار بە هاوڵاتیان بە نرخی بانكی ناوەندی.
راشیگەیاندوە، تائێستا رێكارەكان تەواو نەبون لە هەوڵدان و بەو ئومێدەی لە نزیكترین كاتدا تەواو بێت.
ئەم لێدوانە لەكاتێكدایە پێشتر نەرمین مەعروف ئەندامی ئەنجومەنی نوێنەرانی عیراق بڵاویكردبۆوە، لەدوای وەرگرتنی رەزامەندی بانكی ناوەندی بە فرۆشتنی دۆلار بەنرخی فەرمی بە گەشتیاران بۆ دەرەوەی وڵات لە فڕۆكەخانەی نێودەوڵەتی سلێمانی و هەولێر بڕیارەكە لە فڕۆكەخانەی هەولێر چوە بواری جێبەجێكرنەوە، رێكارەكانی فرۆشتنی دۆلار لە فڕۆكەخانەی سلێمانیش تەواو كراون.
باسی لەوەشكردوە، گەشتیاران لە فڕۆكەخانەی سلێمانی دەتوانن بەپێی مەرجەكانی بانكی ناوەندی تاوەكو بڕی 7 هەزار دۆلار بەنرخی هەزارو 320 دینار بۆ هەر دۆلارێك سودمەندبن لەو كارئاسانییە.
