واژۆ
زیاد جەبار سەرۆكی لیژنەی دارایی لە پەرلەمانی كوردستان دەڵێت، داهاتی حكومەتی هەرێم زۆر باشە و دەتوانرێت مانگانە لە كاتی خۆیدا موچە دابەشبكرێت.
زیاد جەبار كە لەسەر پشكی یەكێتی پەرلەمانتارە بە میدیای حزبەكەی وتووە، گەورەترین داهات كە بۆ حكومەتی هەرێم دەگەڕێتەوە داهاتی نەوتە كە دەتوانرێت مانگانە لە كاتی خۆیدا موچە دابەشبكرێت.
ئاماژەی بەوەشداوە، بەڵام گرفتەكە لەوەدایە كە فرۆشتنی نەوتی هەرێم ناشەفافە و موچەش لەكاتی خۆیدا دابەشناكرێت، ئێستا نرخی نەوت لە بازاڕەكانی جیهاندا بەرزبووەتەوە و ئەوەش لە بەرژەوەندی هەرێمی كوردستانە.
سەرەڕای زۆربوونی داهاتی نەوت و داهاتی ناوخۆ، دواكەوتنی موچەی فەرمانبەرانی هەرێم بەردەوامە و دابەشكردنی موچەی مانگی یەك لە كۆتایی مانگی 2 تەواو دەبێت.
