واژۆ
محەمەد شیاع سودانی سەرۆك وەزیرانی عیراق لەگەڵ وەزیری دەرەوەی ئەمریكا لەمیونشن كۆبوەوە.
بەگوێرەی راگەیەنراوێك، لەچوارچێوەی سەردانەكەیدا بۆ بەشداریكردن لە 59 هەمین كۆنگرەی ئاسایشی میونشین لەئەڵمانیا، سودانی ئەنتۆنی بلینكن وەزیری دەرەوەی ئەمریكا كۆبونەوەو گفتوگۆیان كردوە لەسەر پرسەكانی پەیوەست بەپەیوەندییە دوو قۆڵیەكان و چۆنیەتی پتەوكردن و گەشەپێدانیان لەسەر ئاست و بوارە جیاجیاكان بۆ بەهێزكردنی تواناكانی عیراق لە روبەڕوبونەوەی بەربەستە ئابورییەكان و دابینكردنی پێداویستیەكانی گەشەسەندن.
راشگەیەنراوە سودانی جەختی كردۆتەوە كو عیراق بایەخێكی تایبەت بەچاكسازیە ئابوریەكان دەدات و حكومەتیش داكۆكی لەسەر گەشەپێكردنی كەرتی وزەو دروستكردنی هاوبەشە گەشەسەندوەكان و ئەنجامدانی وەبەرهێنان لەكەرتی غاز دەكات، خواسنی عیراقیشی دەربڕیوە بۆ هاوكاریكردنی زیاتر لەگەڵ ویلایەتە یەكگرتوەكانی ئەمریكا لە روبەڕوبونەوەی تیرۆردا، لەچوارچێوەی پێشكەشكردنی مەشق و راهێنان و راوێژكاری و ئاڵوگۆڕی زانیاریەكان لەگەڵ هێزە ئەمنیەكانی عیراق.
لەلایەن خۆشیەوە بلینكن رایگەیاندوە، ئەمریكا رۆڵی هەرێمایەتی عیراق لەسەپاندنی سەقامگیری بەرزدەنرخێنێت و پشتگری پلانەكانی حكومەتی عیراق دەكات.
