واژۆ
ئەندامێكی مەكتەبی سیاسی یەكێتی نیشتمانی كوردستان رایگەیاند، نێچیرڤان بارزانی سەرۆكی هەرێمی كوردستان گەڕاوەتەوە لە سەردانێكی گرنگ بۆ ئەنجامدانی كۆبونەوە.
لە لێدوانێكی رۆژنامەوانیدا سەعدی ئەحمەد پیرە ئەندامی مەكتەبی سیاسی یەكێتی وتی: دڵنیاین سەرۆكی هەرێم زۆر كەسی بینیوە لە ناوەندەكانی دەسەڵات لە جیهاندا لە پیاوە گەورەكانی سیاسەت شتێك لە هەگبەكەیدا هەیە، بۆیە ئەوە جێدەهێڵم بۆئەوەی ئەو بەكاری خۆی هەڵسێت ئەوەی پەیوەندی بە هەڵبژاردنی پەرلەمانی كوردستانەوە هەیە یاخود ئەوەی پەیوەندی بە چارەسەركردنی كێشەی نێوان پارتی و یەكێتیەوە هەیە، لەگەڵیشیدا گەڕاندنەوەی ئاسایش و سەقامیگری بۆ ناو حكومەتی هەرێم و بۆ ناو هەرێم بەگشتی.
سەعدی پیرە وتیشی: با سەرۆكی هەرێم كارەكانی خۆی بكات ئێستا قسەی لەسەر ناكەین نەوەك كێشەیەك دروست ببێت لێرەو لەوێ و وا باشترە جارێ قسەی لەسەر نەكەین بۆئەوەی شیكردنەوەی تری بۆ نەكرێت.
